Rusiya və İran prezidentləri Vladimir Putinlə Məsud Pezeşkian arasında telefon danışığı baş tutub.

“geceler.az” xəbər verir ki, bu barədə məlumatı Kremlin Mətbuat xidməti yayıb.

Bildirilib ki, tərəflər söhbət zamanı Putinlə ABŞ lideri Donald Tramp arasında Alyaskada baş tutan danışıqları müzakirə ediblər:

“Bununla yanaşı, Rusiya və İran prezidentləri Cənubi Qafqazdakı, eləcə də İranın nüvə proqramı ilə bağlı vəziyyət ətrafında fikir mübadiləsi aparıblar”.