Ukrayna Prezidenti Volodimir Zelenksi Romada Almaniya kansleri Fridrix Mertzlə görüşüb.

“geceler.az” xəbər verir ki, bu haqda Ukrayna lideri teleqram kanalında məlumat yayıb.

Zelenski Almaniyaya hərbi dəstəyə, xüsusən də hava hücumundan müdafiə sistemlərinə görə təşəkkür edib:

“Biz, həmçinin döyüş meydanını, tərəfdaşlarla işi və Avropaya inteqrasiyamızı müzakirə etdik. Almaniya məhz bizim Aİ-yə gedən yolumuzu açmağa kömək edəcək təsirə və səlahiyyətə malik olan ölkədir. Sizin qətiyyətli mövqeyinizi yüksək qiymətləndiririk.

Biz kansler ilə daimi əlaqə saxlamaq və sülh və təhlükəsizlik naminə birgə işləmək barədə razılığa gəldik”.

Qeyd edək ki, Zelenskinin Romaya səfəri 9-10 iyulda İtaliyada keçiriləcək Ukraynanın bərpasına dair beynəlxalq konfransla bağlıdır.